Móttökumiðstöð fyrir umsækjendur um alþjóðlega vernd hefur flutt úr Bæjarhrauni í Hafnarfirði að Egilsgötu 3 í Reykjavík, þangað sem Domus Medica var áður til húsa.
Í móttökumiðstöðinni vinnur starfsfólk lögreglunnar á höfuðborgarsvæðinu og Útlendingastofnunar við skráningu, móttöku og þjónustu við umsækjendur um vernd.
Við flutninginn í stærra húsnæði bætist við starfsemina í móttökumiðstöðinni þjónusta heilsugæslunnar á höfuðborgarsvæðinu, sem sinnir fyrstu læknisskoðun umsækjenda, sem og þjónusta Fjölmenningarseturs, við þá einstaklinga sem fá veitta vernd eða mannúðarleyfi hér á landi.
Móttökumiðstöðin er opin milli klukkan 8 og 16 á virkum dögum.