Afgreiðslutími og umsóknir í vinnslu

Hvaða umsóknir hafa verið teknar til vinnslu?

Afgreiðslutími umsókna um dvalarleyfi

Afgreiðslutími umsókna um ríkisborgararétt

Afgreiðslutími umsókna um alþjóðlega vernd

Hvaða umsóknir hafa verið teknar til vinnslu?

Allar umsóknir sem bárust fyrir uppgefna dagsetningu í töflunni hér að neðan hafa þegar verið teknar til vinnslu.

Upplýsingarnar eru uppfærðar á tveggja vikna fresti, síðast 28. nóvember 2019.

Umsóknir eru afgreiddar í þeirri röð sem þær berast.

Hafir þú lagt inn og greitt fyrir umsókn síðar en fram kemur í töflunni, hefur umsókn þín ekki verið tekin til vinnslu.

Hafi umsókn ekki verið tekin til vinnslu, fást ekki frekari upplýsingar varðandi umsóknina í síma eða tölvupósti.

Stofnunin hefur samband við umsækjanda eða umboðsmann ef umsókn er ófullnægjandi eða ef frekari gögn vantar fyrir vinnslu umsóknar.

Námsmenn

Umsóknir um dvalarleyfi á grundvelli náms, sem berast með fullnægjandi gögnum innan frests, verða afgreiddar áður en skólahald hefst. Frestur til að sækja um dvalarleyfi vegna náms er 1. júní fyrir haustönn og 1. nóvember fyrir vorönn ár hvert.

Afgreiðslutími umsókna um dvalarleyfi

Umsækjandi um fyrsta dvalarleyfi þarf að gera ráð fyrir að liðið geti allt að 180 dagar frá því að umsókn er lögð fram og afgreiðslugjald greitt þar til hún er tekin til vinnslu hjá Útlendingastofnun.

Umsókn um endurnýjun dvalarleyfis er tekin til vinnslu innan 90 daga frá því að greitt hefur verið fyrir hana.

Stærstur hluti umsókna er afgreiddur innan þessara viðmiða um afgreiðslutíma en lengri tíma getur tekið að afgreiða umsókn sem þarfnast frekari vinnslu til að unnt sé að meta hvort umsækjandi uppfylli skilyrði dvalarleyfis.

Afgreiðslutíminn getur lengst ef:

• umsókn hefur ekki verið fyllt út nægilega vel,
• kalla þarf eftir frekari gögnum,
• kalla þarf umsækjanda í viðtal eða
• umsækjandi hefur óskað eftir undanþágu frá skilyrðum dvalarleyfis.

Ef umsókn hefur ekki verið afgreidd innan tímaviðmiða er ekki sérstök ástæða til að hafa samband við Útlendingastofnun.

Stofnunin hefur samband við umsækjanda eða umboðsmann ef umsókn er ófullnægjandi eða ef frekari gögn vantar fyrir vinnslu umsóknar.

Afgreiðslutími umsókna um ríkisborgararétt

Afgreiðslutími umsókna um íslenskan ríkisborgararétt er um tólf mánuðir.

Afgreiðslutími umsókna um alþjóðlega vernd

Meðalafgreiðslutími umsókna um alþjóðlega vernd á fyrsta ársfjórðungi 2019 var:

• 9 dagar í forgangsmeðferð
• 225 dagar í hefðbundinni efnismeðferð
• 162 dagar á grundvelli Dyflinnarreglugerðarinnar
• 138 dagar þegar einstaklingar voru þegar komnir með vernd í öðru landi