• Íslenska
  • English (UK)

Sidebar

  • Heim
  • Um Útlendingastofnun
    • Útlendingastofnun
    • Fréttir
    • Greinar
    • Tölfræði
      • Tölfræði leyfasviðs
      • Tölfræði verndarsviðs
    • Ársskýrslur
    • Stefnur Útlendingastofnunar
      • Stefna Útlendingastofnunar til ársins 2023
      • Launastefna
      • Jafnlaunastefna
      • Tungumálastefna
      • Persónuverndarstefna
    • Skipurit
    • Gjaldskrá
    • Eyðublöð
    • Afgreiðslutími
    • Samstarfssamningar
    • Lög og reglugerðir
    • Algengar spurningar
      • Dvalarleyfi
      • Alþjóðleg vernd
      • Vegabréfsáritanir
      • Íslenskur ríkisborgararéttur
      • Túlkanir og þýðingar
    • Hafa samband
    • COVID-19
  • Eyðublöð
  • Afgreiðslutími
  • Tímabókanir
  • Hafa samband
  • Algengar spurningar
  • Tölfræði
    • Tölfræði leyfasviðs
    • Tölfræði verndarsviðs
  1. Heim
  2. Synjun umsóknar um dvalarleyfi

Synjun umsóknar um dvalarleyfi

Þegar umsókn um dvalarleyfi uppfyllir ekki skilyrði þess leyfis samkvæmt lögum um útlendinga nr. 80/2016 er heimilt að synja umsókn. Það þýðir að umsækjandi fær ekki það dvalarleyfi sem hann sækir um. Synjanir umsókna um dvalarleyfi eru skriflegar stjórnvaldsákvarðanir sem má kæra til kærunefndar útlendingamála innan 15 daga frá birtingu, þ.e. frá þeim degi sem umsækjandi móttók synjun. Ástæður fyrir synjun eru ýmist matskenndar eða ekki. Afleiðingar synjunar eru þær að umsækjandi fær ekki útgefið dvalarleyfi og þarf að yfirgefa landið ef hann er hér staddur.

Helstu ástæður synjunar

Umsækjandi hefur ekki heimild til dvalar

Skilyrði dvalarleyfis eru ekki uppfyllt

Ferill og afleiðingar synjunar

Kæruheimild

Frestun réttaráhrifa



Helstu ástæður synjunar

Umsækjandi hefur ekki heimild til dvalar

Ef umsækjandi hefur ekki heimild til þess að vera staddur hér á landi samkvæmt 51. gr. útlendingalaga þegar umsókn er lögð fram er Útlendingastofnun skylt að synja umsókn. Þá er ekki lagt mat á hvort önnur skilyrði dvalarleyfis séu uppfyllt.

Skilyrði dvalarleyfis ekki uppfyllt

Skilyrði dvalarleyfis skiptast í grunnskilyrði sem öll dvalarleyfi þurfa að uppfylla og sérskilyrði sem gerð er krafa um í hverjum og einum leyfisflokki.

Grunnskilyrði

Uppfylli umsækjandi ekki grunnskilyrði (t.d. skilyrði um trygga framfærslu) er umsókn synjað nema heimilt sé að veita undanþágu samkvæmt útlendingalögum. Undanþágur eru metnar í hverju tilviki fyrir sig.

Sérskilyrði

Uppfylli umsækjandi ekki sérskilyrði (t.d. að umsækjandi um dvalarleyfi vegna náms er ekki skráður í fullt nám á háskólastigi, eða umsækjandi um makaleyfi leggur ekki fram hjúskaparvottorð) er stofnuninni heimilt og í sumum tilfellum skylt að synja umsókn.  Sum sérskilyrði eru háð mati stofnunarinnar. Dæmi um matskennt skilyrði er þegar grunur leikur á að umsækjandi um dvalarleyfi á grundvelli vistráðningar muni ekki yfirgefa landið þegar dvalarleyfi rennur út, en samkvæmt útlendingalögum má í þeim tilvikum líta til almennrar reynslu af umsækjendum í sömu eða svipaðri stöðu.

Ferill og afleiðingar synjunar

Ef umsækjandi uppfyllir ekki skilyrði dvalarleyfis fer umsókn til vinnslu hjá lögfræðingum stofnunarinnar sem taka skriflega ákvörðun um synjun. Umsækjanda er tilkynnt um ákvörðunina bréfleiðis með ábyrgðarpósti. Almennur málsmeðferðartími Útlendingastofnunar er um 90 dagar. Ef ljóst er að umsókn verði synjað getur sú vinnsla tekið lengri tíma, eða allt  að 90 daga frá því að síðustu gögn berast.

Synjun umsóknar um dvalarleyfi getur haft þær afleiðingar að umsækjandi sem staddur er hér á landi þurfi að yfirgefa landið þar sem hann er í ólögmætri dvöl. Umsækjanda er alltaf veittur frestur til að yfirgefa landið af sjálfsdáðum. Í flestum tilvikum er sá frestur 30 dagar. Yfirgefi umsækjandi ekki landið innan þess frests getur  komið til brottvísunar og endurkomubanns.

Ef umsækjandi er ekki staddur hér á landi þegar umsókn um dvalarleyfi er synjað hefur hann ekki öðlast dvalarleyfi og er því ekki heimilt að koma til landsins á þeim forsendum.

Ef umsækjanda sem hefur haft heimild til að stunda atvinnu á meðan umsókn er til vinnslu er synjað, fellur heimild til atvinnuþátttöku niður.

Kæruheimild

Samkvæmt útlendingalögum hefur umsækjandi 15 daga frest frá því að ákvörðun var birt fyrir honum til þess að kæra synjun Útlendingastofnunar til kærunefndar útlendingamála. Kærufresturinn byrjar ekki að líða fyrr en umsækjandi móttekur ákvörðun. Sá dagur sem umsækjandi fær ákvörðun afhenta telst birtingardagur ákvörðunar.

Ákvörðun Útlendingastofnunar sem birt hefur verið fyrir umsækjanda hefur í för með sér tiltekin réttaráhrif. Það þýðir að umsækjandi þarf að framfylgja þeim fyrirmælum sem fram koma  í ákvörðunarorðum hverju sinni. Í sumum tilvikum er unnt að fresta réttaráhrifum ákvörðunar Útlendingastofnunar ef sú ákvörðun er kærð til kærunefndar útlendingamála.

Frestun réttaráhrifa

Frestun réttaráhrifa ákvörðunar felur í sér að niðurstaða ákvörðunar komi ekki til framkvæmdar fyrr en málið hefur farið í gegnum kæruferli hjá kærunefnd útlendingamála.

Kæra hefur ekki áhrif á framkvæmd ákvörðunar Útlendingastofnunar nema í þeim tilvikum þar sem kæra frestar réttaráhrifum. Það á við um synjanir um ótímabundið dvalarleyfi og synjanir um endurnýjanir á dvalarleyfi sem sótt var um innan frests.


Í öðrum tilvikum gilda ákvæði 29. gr. stjórnsýslulaga um frestun réttaráhrifa ákvörðunar. Umsækjandi getur sótt um frestun réttaráhrifa til kærunefndar útlendingamála.


Í þeim tilvikum þar sem kæra frestar réttaráhrifum þarf umsækjandi ekki að yfirgefa landið meðan umsókn er til vinnslu hjá kærunefnd útlendingamála og er staða umsækjanda á meðan sú sama og ef  dvalarleyfisumsókn hans hefði ekki verið synjað af Útlendingastofnun.

Sé réttaráhrifum ákvörðunar hins vegar ekki frestað þýðir það að umsækjandi sem hefur fengið synjun á dvalarleyfi hjá Útlendingastofnun þarf að yfirgefa landið innan tilskilins frests eða þegar heimild til dvalar á grundvelli áritanafrelsis rennur út. Geri hann það ekki verður dvöl umsækjanda hér á landi ólögmæt og getur það leitt til brottvísunar og endurkomubanns.

Ef ákvörðun Útlendingastofnunar er ekki kærð til kærunefndar útlendingamála eða kæra berst eftir að kærufrestur er liðinn er litið svo á að umsækjandi uni synjun Útlendingastofnunar og ber umsækjanda að framfylgja réttaráhrifum ákvörðunar.  

Þegar ákvörðun Útlendingastofnunar hefur verið kærð til kærunefndar útlendingamála er málinu lokið hjá stofnuninni og er alfarið í höndum kærunefndarinnar.

  • Hverjir þurfa dvalarleyfi?
  • Ferill umsókna
    • Útgáfustaðir D-áritana
  • Afgreiðslutími og umsóknir í vinnslu
  • Langtímavegabréfsáritun
  • Langtímavegabréfsáritun fyrir fólk í fjarvinnu og aðstandendur þess
  • Fjölskyldusameining
  • - Maki eða sambúðarmaki
  • - Barn
  • - Foreldri 67 ára og eldri
  • - Foreldri barns yngra en 18 ára
  • Atvinnuleyfi
    • Flýtimeðferð
  • Nám
    • Endurnýjun og námsárangur
  • Vistráðning / au-pair
  • Vinnudvöl fyrir ungt fólk
  • Sjálfboðaliðar
  • Trúboðar
  • Lögmætur tilgangur
  • Sérstök tengsl við Ísland
  • Ríkisborgarar EES/EFTA og aðstandendur þeirra
    • EES og EFTA ríkin
  • Ótímabundið dvalarleyfi
  • Réttindi
  • Grunnskilyrði
  • Gagnakröfur
    • FBI sakavottorð
  • Heimild til dvalar
  • Synjun umsóknar um dvalarleyfi
  • Afturköllun dvalarleyfis
  • Algengar spurningar
  • Brottvísun og endurkomubann

Tenglar

  • Dómsmálaráðuneytið
  • Kærunefnd útlendingamála
  • New in Iceland
  • Fjölmenningarsetur
  • Flóttamannastofnun Sameinuðu þjóðanna
  • Mannréttindaskrifstofa
  • Vinnumálastofnun
  • Þjóðskrá
  • Persónuvernd

Upplýsingar

  • Útlendingastofnun
  • Dvalarleyfi
  • Áritanir
  • Ríkisborgararéttur
  • Alþjóðleg vernd

OPNUNARTÍMI

Mánudaga til fimmtudaga 9 - 14
Föstudaga 9 - 12

Sími: 444 0900

Netfang: This email address is being protected from spambots. You need JavaScript enabled to view it.

Staðsetning

Útlendingastofnun | Dalvegi 18 | 201 Kópavogi | 444 0900 | utl@utl.is

Kt. 670269-6399 | Rkn. 0515-26-410424 

Jafnlaunavottun adalmerki 2020 2023 f ljosan grunn hr monitor 2020