Sjálfviljug heimför

Ef frestur til heimfarar er ekki tilgreindur í ákvörðun stjórnvalda verður umsækjanda fylgt úr landi af stoðdeild ríkislögreglustjóra.

• Umsækjandi þarf að framvísa gildum farseðli til heimaríkis innan tiltekins tímafrests til að fá vegabréf sitt afhent.
• Eftir heimkomu þarf umsækjandi að senda Útlendingastofnun staðfestingu á heimkomu með stimplum í vegabréfi.
• Umsækjandi sem er skilríkjalaus eða þarf áritun til ferða á Schengen-svæðinu á ekki kost á að fara heim á eigin kostnað og þarf að sækja um aðstoð IOM til heimfarar.
• Umsækjendum um vernd sem fá málsmeðferð á grundvelli Dyflinnarreglugerðarinnar er ekki heimilt að fara heim á eigin kostnað.

• Umsókn um aðstoð við heimför skal berast áður en frestur til heimfarar, sem tilgreindur er í ákvörðun stjórnvalda, rennur út.
• Umsækjandi um vernd sem kemur frá öruggu upprunaríki á almennt ekki rétt á aðstoð við heimför en getur eftir atvikum farið til heimaríkis á eigin kostnað. Umsækjandi í sérstaklega viðkvæmri stöðu getur verið undanþeginn þeirri reglu.
• Umsækjandi um vernd sem fær málsmeðferð á grundvelli Dyflinnarreglugerðarinnar á ekki rétt á aðstoð við heimför nema viðkomandi dragi til baka umsókn sína um vernd áður en ákvörðun Útlendingastofnunar liggur fyrir. Umsækjandi í sérstaklega viðkvæmri stöðu getur verið undanþeginn þeirri reglu.

• Ráðgjöf og upplýsingar um aðstoð í heimaríki
• Flugfar og samgöngur til og frá flugvelli til lokaáfangastaðar í heimaríki
• Aðstoð við öflun ferðaskilríkja
• Aðstoð við brottför, gegnumferð og komu til heimaríkis
• Þjónusta og læknisaðstoð sem umsækjandi gæti þurft á að halda meðan á ferðalagi stendur
• Farareyrir og enduraðlögunarstyrkur í samræmi við reglugerð um enduraðlögunarstyrk og ferðastyrk til umsækjenda um alþjóðlega vernd.