Umsókn skal skila inn til Útlendingastofnunar til næsta sýslumannsembættis ásamt viðeigandi fylgigögnum. Útlendingastofnun sendir atvinnuleyfis­umsókn og ráðningarsamning til Vinnumálastofnunar sem tekur umsókn til meðferðar.

Dvalarleyfi á grundvelli atvinnu skiptist í þrjá flokka:

Dvalarleyfi vegna tímabundins skorts á vinnuafli:

Heimilt er að veita útlendingi dvalarleyfi vegna tímabundins skorts á vinnuafli þegar starfsfólk fæst hvorki á innlendum vinnumarkaði né innan evrópska efnahagssvæðisins, í EFTA-ríkjum eða í Færeyjum.

Um er að ræða tímabundið leyfi sem hægt er að framlengja til eins árs.

Leyfið veitir ekki rétt til fjölskyldusameiningar.

Leyfið er ekki grundvöllur búsetuleyfis.

Dvalarleyfi vegna starfs sem krefst sérfræðiþekkingar: 

Heimilt er að veita útlendingi dvalarleyfi vegna tiltekins starfs hér á landi sem krefst sérfræðiþekkingar ef ekki er um að ræða tímabundið verkefni. Samkvæmt lögum um atvinnuréttindi útlendinga þarf sérfræðiþekking útlendingsins að vera nauðsynleg hlutaðeigandi fyrirtæki og fela í sér háskóla-, iðn-, list- eða tæknimenntun sem er viðurkennd hér á landi.

Leyfið veitir rétt til fjölskyldusameiningar.

Leyfið er grundvöllur búsetuleyfis.

Dvalarleyfi íþróttafólks:

Heimilt er að veita tímabundið dvalarleyfi vegna starfa íþróttamanna og þjálfara hjá íþróttafélögum innan Íþrótta- og Ólympíusambands Íslands.
Á heimasíðu Íþrótta- og Ólympíusambands Íslands www.isi.is má finna aðildarfélög sambandsins.

Leyfið veitir rétt til fjölskyldusameiningar.

Leyfið er ekki grundvöllur búsetuleyfis. 

Útlendingur sem kom til landsins fyrir 1. ágúst 2008 og fékk útgefið dvalar- og atvinnuleyfi (B- eða C- leyfi samkvæmt brottföllnu ákvæði 35. gr. reglugerðar nr. 53/2003) getur sótt um endurnýjun á því leyfi hafi hann verið með samfellt dvalarleyfi hérlendis frá komu.  

Leyfið veitir rétt til fjölskyldusameiningar.

Leyfið er grundvöllur búsetuleyfis.